Putar Balik

Dasar nasib kada baik, pas handak  ka Sungai Salak  Julak Aqil dihadang petugas Covid yang lagi melakukan penyekatan jalan.  Julak Aqil disuruh bamandak oleh patugas dan  ditakuni kamana tujuanya.

" Maaf pak, Pian handak kamana," ujar Petugas.

" Ulun ni handak ka sungai salak pak ai, ma ilangi mamak," ujar Julak Aqil manjawab.

"Kada hingkat, kita wahini Sadang level 3, bagi nang kada panting dilarang liwat," sambar petugas.

"Ulun ni sudah bavaksin, kabarnya amun bavaksin bulih kamana haja,"  sahut Julak Aqil.

"Maaf, itu lain kisah, Pian putar balik haja," ujar patugas mulai sarik.

Mandangar petugas nyuruh putar balik, turun nai julak dari hunda, tujuh kali julak baputar, sampai paning kapalanya.

"Sudah pak, Ulun sudah baputar dan babalik," ujar Julak Aqil.

"Malesetttt...Pian ni, aku nyuruh bulik bukan suruh mamusing awak, sampai pingsan kada pacang bulih lalu," ujar petugas.

"Dasar curang perugas ni, tadi aku suruhnya putar balik, sampai minik Kapala, sakali masih jua kada hingkat lalu," ujar Julak Aqil kasal dalam hati.*